Discours des maladies mélancoliques et du moyen de les guérir

Aëce fait mention d’un qui croyoit n’avoir point de teste, & publioit par tout qu’on la luy avoit coupée pour ses tyrannies, il fut guary fort subtilement par l’artifice d’un Medecin nommé Philotime. Car il luy fit mettre un bonnet de fer bien pesant sur sa teste, & lors s’escriant que la teste luy faisoit mal : fut tout soudain relevé de tous les assistans qui s’escrierent : Vous avez donc une teste ; par ce moyen il se recogneut, & fut delivré de ceste fausse imagination.