Discours des maladies mélancoliques

J’ay leu qu’un jeune escholier estant en son estude fut surprins d’une estrange imagination, il se mit en fantasie /142r/ que son nez estoit tellement grossi & allongé qu’il n’osoit bouger d’une place, de peur qu’il ne heurtast en quelque lieu : tant plus on le pensoit dissuader, tant plus il s’opiniastroit. En fin le Medecin ayant pris un grand morceau de chair & le tenant caché, l’asseura qu’il le guariroit sur le champ, & qu’il luy fallait oster ce grand nez : & soudain pressant un peu son nez, & coupant ceste chair qu’il avoit, luy fit croire que ce gros nez estoit couppé